Әлем чемпионатында жүлде алған ұлттық құраманың белді боксшысы допингпен ұсталды
Бұл туралы Халықаралық Олимпиада комитеті жанындағы Халықаралық тестілеу агенттігі (ITA) хабарлады
Бокстан Қазақстан ұлттық құрамасының мүшесі, 2023 жылғы әлем чемпионатының жүлдегері Дулат Бекбауов антидопинг ережелерін бұзғаны үшін екі жылға шеттетілді.
Бұл туралы Халықаралық Олимпиада комитеті жанындағы Халықаралық тестілеу агенттігі (ITA) хабарлады.
Бекбауов бір жыл ішінде допинг-офицерлеріне өзінің орналасқан жері туралы мәліметті үш рет ұсынбаған. Бұл допинг-тесттен бас тартуға тең бұзу болып саналады.
Спортшының дисквалификациясы 2025 жылдың 18 қарашасынан басталып, 2027 жылдың 17 қарашасына дейін жалғасады. Осы жылы оның барлық нәтижелері күшін жойды, дегенмен ол ірі турнирлерге қатыспаған.
Бекбауовқа қатысты шеттету тек әуесқой боксқа қолданылады. Ол биыл шілдеде кәсіпқой бокста дебют жасаған еді.
Айта кетейік, биыл ITA ресейлік Имам Хатаев пен өзбекстандық Лазизбек Мулложоновты да шеттеткен, алайда бұл олардың кәсіпқой мансабына әсер етпеді.