Санатәлі Төлтаев ширек финалда Асадхуджа Муйдинхуджаевпен жұдырықтасады
08.12.2025, 18:27
Бүгін әлем чемпионатының 1/8 финалдық кездесулері басталды.
ҚР ҰОК
Дубайда ІВА-ның ұйымдастыруымен өтіп жатқан әлем чемпионатында 67 келінің өкілі Санатәлі Төлтаев ширек финалға өтті.
Жерлесіміз 1/8 финалда бразилиялық Кассио Сантос Оливейрадан басым түсті. Тартысты өткен жекпе-жекте Санатәлі төрешілердің ортақ дауысымен жеңіске жетті.
Енді ширек финалда өзбекстандық Асадхуджа Муйдинхуджаевпен кездеседі.
Естеріңізде болса, 2019 жылғы Азия чемпионатының қола жүлдегері және 2025 жылғы Қазақстан чемпионы Төлтаев 1/16 финалда Замбия өкілі Джеральд Кабиндамен кездесіп, үздіксіз шабуыл алмасқан айқаста қарсыласын жарыс жолынан шығарды – 4:1
Әлем чемпионаты-2025 13 желтоқсанға дейін жалғасады. Турнирдің жалпы жүлде қоры – 8,32 миллион доллар.
Реклама
Реклама