Бүгін «Странджа» кубогінің ширек финалында Санжар Тәшкенбай рингке шығады
Екі салмақта қазақтар мен өзбектер қарсылас атанады
Болгария астанасы Софияда өтіп жатқан бокстан «Странджа» кубогінің ширек финалдық жекпе-жектері басталды. Бүгінгі жарыс күнінде рингке Санжар Тәшкенбай бастаған қазақ боксшылары шығады.
Қазақстан құрамасы тарапынан бірінші болып жарысты 57 келідегі Оразбек Асылқұлов бастайды. Оның қарсыласы – моңғол боксшысы Энх-Амар Ханхуу.
Мұнан кейін 51 келіге дейінгі салмақ дәрежесінде Санжар Тәшкенбай рингке көтеріледі. Ол да моңғол боксшысымен күш сынасып көрмек. Қарсыласы – Азияның күміс және қола жүлдегері Ганхуягийн Ган-Эрдэнэ.
Одан кейін тағы төрт боксшымыз жартылай финал жолдамасы үшін таласады. Олар:
54 кг
Дәулет Молдашев (Қазақстан) – Билал Беннама (Франция)
60 кг
Руслан Күзеубаев (Қазақстан) – Абдумалик Халоков (Өзбекстан)
63,5 кг
Адхможон Мухиддинов (Өзбекстан) – Ерасыл Таңқай (Қазақстан)
67 кг
Данило Лозан (Украина) – Дулат Бекбауов (Қазақстан)