Айбек Оралбай Әлем кубогының екі дүркін жеңімпазы болды

Әлем чемпионы, аса ауыр салмақтағы басты фавориттердің бірі Айбек Оралбай Әлем кубогының финалында Германия өкілі Никита Путиловпен қолғап түйістірді.

Үш раундқа созылған жекпе-жекте қазақстандық боксшы айқын басымдық танытып, төрешілер шешімімен 5:0 есебімен жеңіске жетті.

Айта кетейік, қос боксшы 2025 жылы Астанада өткен Әлем кубогының финалында да кездескен болатын. Ол жолы да жеңіс Айбек Оралбайдың еншісінде қалған еді.

Турнирдегі жолы:

1/8 финал: Нажай Райт (АҚШ) – 5:0
1/4 финал: Мэтью Уильямс (Ұлыбритания) – 5:0
1/2 финал: Жоел Рамос (Бразилия) – 3:2
Финал: Никита Путилов (Германия) – 5:0