Бокстан Азия чемпионатында қос қазақстандық финалға жолдама алды
31.10.2023, 13:52
Финалдық кездесулер 2-3 қараша күндері өтеді
Фото ашық дереккөзден
Бокстан Астанада өтіп жатқан Азия чемпионатында жасөспірімдер арасында қазақстандық екі боксшы финалға шықты.
48 келіде шаршы алаңға шыққан Алдияр Баһадүр жартылай финалда үнді боксшысы Сикандер Сикандерден 4:1 есебімен басым түсті. Сонымен қатар, 52 келіде Нұрасыл Төлепбек өзбекстандық Иброзим Гиясовты айқын басымдықпен ұтты.
21 қазан мен 4 қараша аралығында Астанада бокстан жастар, жасөспірімдер арасында өтіп жатқан Азия біріншілігінде кеше қыздар арасында 8 боксшы финалға шықты. Сары құрлықтың 23 елінің құрамалары қатысып жатқан біріншіліктің финалдық жекпе-жектері 2-3 қараша күндері өтеді.