Жәнібек Әлімханұлы 43 рет жеңіске жеткен нокаутшыны жекпе-жекке шақырды
Ол 2018 жылдың мамырында Геннадий Головкинмен жұдырықтасуы керек еді
Жәнібек Әлімханұлы жақында жаңазеландиялық Андрей Михайловичпен жекпе-жекте титулды қорғауы керек. Дегенмен, қазақстандық спортшы қазірдің өзінде одан кейінгі қарсыласын белсенді түрде іздеп жатыр.
Атақты боксшы, қазіргі промоутер Оскар Де Ла Хойя мексикалық Хайме Мунгия мен америкалық Калеб Плант арасында жекпе-жек ұйымдастыруды ұсынды. Бұл туралы Х әлеуметтік желісінде жазған. Ал бұл жазбаға қазақстандық Әлімханұлы жауап берген.
"Жәнібек - Мунгия шайқасы туралы не деуге болады?", - деп жауап берді Qazaq Style Х желісінде.
Мексикалық Хайме Мунгия 2018-19 жылдары WBO нұсқасы бойынша әлем чемпионы болды. 2018 жылдың мамырында ол Геннадий Головкинмен төбелесуі керек еді. Алайда, комиссия Мунгийдің кандидатурасын мақұлдамады, оны қазақстандық үшін тым тәжірибесіз қарсылас деп санады.