Қазақстандық боксшының 15 айдан кейінгі алғашқы жекпе-жегі нокаутпен аяқталды
07.09.2024, 12:18
Абылайхан Хусайынов Дубайда ұзақ уақыттан кейін алғаш рет рингке шықты
instagram.com/ablaikhan_khussainov
Қазақстандық боксшы Абылайхан Хусайынов Дубайдағы бокс кешінде өнер көрсетті.
Ол угандалық Абдул Азиз Ссебулимеге қарсы жекпе-жек өткізді. Бұл кездесу сегіз раундқа жоспарланған болатын.
Отандасымыз угандалықты техникалық нокаутпен жеңді.
Осылайша, Абылайхан Хусайынов кәсіби мансабында 13-ші жеңісіне қол жеткізді, ал Абдул Азиз Ссебулиме кәсіби рингте екінші жеңілісіне ұшырады.
Айта кету керек, бұл Хусайыновтың 15 айдан кейінгі алғашқы жекпе-жегі болды. Соңғы рет қазақстандық боксшы 2023 жылы маусымда жекпе-жекке шыққан, ол кезде ресейлік Артур Субханкуловқа біржақты шешіммен жеңілген еді.
Жарнама
Жарнама