Бокстан Қазақстанның жасөспірімдер құрамасы Азия чемпионатында 8 алтын медаль жеңіп алды

Бокстан жасөспірімдер арасында Біріккен Араб Әмірліктерінде аяқталған Азия чемпионатында Қазақстан  боксшылары 8 алтын иеленді.

Әл-Айн қаласында өткен құрлық біріншілігінде 2010-2011 жылы туған жасөспірімдер құрамасынан 9 боксшы финалға шығып, тек бір спортшы ғана есе жіберді. Сондай-ақ, бокстың жас шеберлері 2 қола медальға қол жеткізді.

Азия чемпионы атанған боксшылар: 

• 35 келі. Абылай Досымбеков
• 40 келі. Бекхан Оразбаев
• 43 келі. Жұмағали Нұрмұхан
• 46 келі. Әмір Мұхит
• 52 келі. Нұрислам Оңалбек
• 55 келі. Әбдімансұр Жақсылық
• 64 келі. Төрехан Қанатбай
• 70 келі. Мансұр Амантай

Күміс жүлде: 

• 61 келі. Алиимран Алиев

Қола жүлдегерлер:

• 33 келі. Әли Әбдікамал
• +70 келі. Жәдігер Мүсірәлі 

Айта кететін жайт, БАӘ-не жасөспірімдер құрамасын аға бапкер Жақсылық Молдаханов бастап апарған болатын.