Санжар Тәшкенбай мен Махмұд Сабырхан Шымкенттегі турнирді жеңіспен бастады
30.09.2024, 18:04
Халықаралық турнир 6 қазанға дейін жалғасады
ҚБФ
Бокстан Қазақстан құрамасының мүшелері Санжар Тәшкенбай мен Махмұд Сабырхан Шымкентте өтіп жатқан халықаралық турнирдің келесі кезеңіне өтті. Боксшылар Қарақозы Әбдәлиевті еске алуға арналған халықаралық турнирге қатысып жатыр.
48 келіде жұдырықтасатын Санжар Тәшкенбай бірінші кезеңде алматылық Сүлеймен Тілеубердімен кездесіп, төрешілердің бірыңғай шешімімен жеңіске жетті. 54 келіде бақ сынайтын Махмұд Сабырхан Алматы облысының өкілі Тимур Кенжеақыннан басым түсті.
Шымкенттегі халықаралық турнир 6 қазанға дейін жалғасады.