«Мен сені өлтіремін». Әлімханұлы мен Михайловичтің баспасөз конференциясы дауға ұласты

WBO/IBF нұсқалары бойынша орта салмақтағы әлем чемпионы қазақстандық боксшы Жәнібек Әлімханұлы мен жаңа зеландиялық Андрей Михайловичтің Сиднейдегі баспасөз конференциясы дауға ұласты.

Михайлович жиын барысында Жәнібекке «Жексұрын, мен сені өлтіремін» деп қоқан-лоқы көрсетті. Ал оның бапкері Исаак Пич Әлімханұлын шілдеде салмақ өлшеу рәсімінде есінен танып қалғаны үшін «бокстың масқарасы» деп атады. 

Өз кезегінде «Қазақ стилінің» жақтастары Михайловичтің командасын қалыпқа келуге тым аз уақыт берді деп айыптады.

Әлімханұлы ұстамдық танытып, 4 қазан күні Андрей үшін ауыр күн болатынын ғана алға тартты. Ал конференция соңында Михайловичтің өкілдері Жәнібектің командасын балағаттады.