«Мықты боксшы». Махмұд Сабырхан жеңілісіне қатысты пікір білдірді
Қос боксшы төртінші рет кездесіп отыр
Шымкенттегі турнирдің финалында ұтылған Махмұд Сабырхан жекпе-жекке қатысты пікір білдірді.
Бұған дейін Қарақозы Әбдіалиев атындағы халықаралық турнирде 57 келінің өкілі Махмұдтың Ақмола облысының тумасы Оразбек Асылқұловтен ұтылғаны туралы жазғанбыз.
«Оразбек Асылқұлов есімді боксшымен бұған дейін үш рет кездескенбіз – 2:1. Ол да мықты боксшы. Босаңсымаймыз. Азия чемпионаты алдындағы іріктеу турнирі болып жатыр. Алла қаласа, 54 келіде бокстасатын боламыз. 57 келіде бүгін Оразов жеңді. Кездесу өте тартысты өтті. 54 келіде Алтынбек Нұрсұлтан деген боксшы бар. Амманда Азия чемпионаты өтеді. Федерация басшылығы мен бапкерлер спаррингтер өткіземіз деген, сол жекпе-жектерге жақсылап дайындалу керек. Азия чемпионатына Алтынбек Нұрсұлтан екеуміздің арамыздан кім баратыны анықталады», - деді Сабырхан.