Әлем чемпионаты: Қазақ боксшыларының финалдағы қарсыластары анықталды

Будвада (Черногория) өтіп жатқан бокстан жастар арасындағы 2024 жылғы әлем чемпионатының барлық финалистері анықталды.

Қазақстаннан жеті спортшы алтынға таласады. Оның ішінде ерлер құрамасынан төрт боксшы, әйелдер құрамасынан үш боксшы ел намысын қорғайды.

Қазақ боксшыларының финалдағы қарсыластары:
51 келі: Бексұлтан Боранбек - Джастин Морено (Колумбия);
67 келі: Төрехан Сабирхан - Давид Эспиноза Сантоя (Куба);
71 келі: Өнер Сейілхан - Алексей Гуков (Ресей);
75 келі: Санжарәлі Бегалиев - Джафарбек Шахбазов (Өзбекстан);
50 келі: Елянұр Тұрғанова - Карла Пики (ХБА бейтарап спортшысы);
66 келі: Ұлдана Таубай - Кайла Дойл Бирн (Ирландия);
81 келі: Аружан Зейноллаева - Рухшона Папиева (Өзбекстан).

Финал 2-3 қараша күндері өтеді.