Сәкен Бибосынов енді Хасанбой Дусматовтың ізбасарымен кездеседі

Тайландтың Чиангмей қаласында өтіп жатқан бокстан Азия чемпионатында 51 келіде ел намысын қорғайтын Сәкен Бибосыновтың қарсыласы анықталды.

Ол алғашқы жекпе-жегін өзбек боксшысы Асылбек Джалиловпен өткізеді. Асылбек бұған дейін 1/8 финалда моңғол боксшысынан айласын асырған. Бибосыновтың қарсыласы 22 жасқа дейінгілер арасында Азия чемпионы.

Айта кетейік, Сәкен бірнеше жыл Өзбекстанның екі дүркін Олимпиада чемпионы Хасанбай Дусматовпен бокстасып келді. Екеуі төрт рет кездесіп, соның үшеуінде қарсыласы жеңіске жетті. Соңғы рет Париж Олимпиадасында жолдары түйісті.