Отандасымыз тәжік боксшысынан айласын асырды
Таиланд Корольдігінің Чиангмай қаласында өтіп жатқан Азия чемпионатының бүгінгі жарыс күнінде ерлер арасындағы ширек финал басталды.
Ең жеңіл 48 келіде Әлем чемпионы, Азия чемпионы Санжар Тәшкенбай ширек финалда Тәжікстан өкілі Мефрон Шафиевпен кездесті. Шиеленіске толы айқаста жерлесіміз төрешілердің шешімімен жеңісңе жетті. Екінші раундта Санжар қарсыласын нокдаунға жіберді.
Енді жартылай финалда боксшымыз Азия чемпионатының күміс жүлдегері Казума Аратекемен (Жапония) жолығады. Қос спортшы 2022 жылы Азия чемпионатының финалында өзара мықтыны анықтап үлгерген.