Сұлтан Зауырбек поляк боксшысын жеңіп, титулын қорғады

Екінші жартылай жеңіл салмақта өнер көрсететін қазақстандық кәсіпқой боксшы Сұлтан Зауырбек (18-0, 13 КО) поляк боксшысын жеңіп, өз титулын сәтті қорғады.

Ирландияның Уотерфорд қаласында өткен жекпе-жек он раундқа жоспарланып, соңына дейін нокаутсыз аяқталды. Польша боксшысы Дамиан Вржесински кездесуді тың бастағанымен, соңғы раундтарда шаршаңқырап, қазақ боксшысының соққыларын өткізіп алды. Осындай ауыр соққылардың бірі оныншы раундтың басында тиіп, төреші поляк боксшысына нокдаун санады.

Он раундтың нәтижесінде төрешілер жеңісті бір ауыздан Сұлтан Зауырбекке берді. Ол осылайша өзінің 19-шы жеңісіне қол жеткізіп, WBA Continental титулын қорғап қалды. Ал, Вржесински болса төртінші рет жеңілді.