Дамир Ысмағұлов бокстағы дебютін нокдаунмен бастады
Бүгін, 01:43
Ол бұған дейін аралас жекпе-жекте өнер көрсеткен
Фото ашық дереккөзден
UFC-дің бұрынғы өкілі Дамир Ысмағұлов кәсіпқой бокстағы дебютін өткізді.
Ресейдің қазағы Астанада өтіп жатқан Fight Nights Global турнирінде жекпе-жекке шықты.
Дамир алғашқы айқасын ММА шебері бразилиялық Фелипе Майюге (ММА-дегі көрсеткіші 15-10) қарсы өткізді. Фелипе үшін де бұл кәсіпқой бокстағы бірінші айқасы. Төрт раундқа есептелген жекпе-жекте Ысмағұлов бразилиялықты төртінші раундта нокдаунға жіберіп, төрешілердің ортақ шешімімен жеңіске қол жеткізді.
Сонымен қатар, аралас жекпе-жек шебері Жалғас Жұмағұлов та кәсіпқой бокстағы дебютін жеңіспен бастады.