Назым Қызайбай жаңа салмақта ел чемпионатының финалына шықты
Енді финалда қызылордалық Ақбота Болатпен өзара мықтыны анықтайды
Париж Олимпиадасында қола жүлдегер атанған Назым Қызайбай Қарағандыда өтіп жатқан ел чемпионатының финалына шықты.
Бұл сында боксшы 48 келіде сынға түсіп жатыр. Ол жартылай финалдық кездесуде Жетісу облысының боксшысы Әнел Құдайбергеннен басым түсті. Енді еліміздің танымал бокшысы финалда қызылордалық Ақбота Болатпен өзара мықтыны анықтайды.
Айта кететін жайт, Назым Қызайбай Франция астанасында ойындардан кейін арада 4 ай уақыт өткенде алғаш рет жарысқа қатысып отыр. Спортшы бұған дейін 50 келіде бақ сынаған болатын. Ол ұзақ жылдардан кейін 48 келіге төмен түсіп отыр. Спортшы бұл салмақта әлем біріншілігінде екі мәрте топ жарып, 2014-2016 жылдары алтыннан алқа тағынған болатын.
Сондай-ақ, ел чемпионатында 48 келіде әлем чемпионы Теміртас Жүсіпов те финалға шықты. Ақмола облысының боксшысы Жамбыл облысының боксшысы Нұрзат Оңғаровпен Қазақстан чемпионы атануға үшін айқасады.