Сағындық Тоғамбай мен Төрехан Сабырхан Азияның үздік боксшысы атанды
Сондай-ақ, Қазақстанның бокс федерациясы ең үздік федерация номинациясын жеңіп алған
Азия бокс қауымдастығы араға 6 жыл салып, жыл үздіктерін жариялады. Бұл ретте 2024 жылдың қорытындысы бойынша барлығы 17 номинацияда марапат табысталды.
Еліміздің бокс федерациясының дерегінше, Қазақстан боксшылары Азия бокс қауымдастығының 4 аталымында жеңімпаз деп танылған.
Оның ішінде, үздік ұлттық федерация – Қазақстан бокс федерациясы лайық деп шешім шығарылды. Сондай-ақ, ерлер арасындағы 2024 жылдың үздік боксшысы ретінде Сағындық Тоғамбай, U22 ерлер арасындвғы үздік боксшысы Темірлан Мұқатаев және жастар арасындағы үздік боксшы болып Төрехан Сабырхан марапатталды.
Айта кететін жайт, желтоқсан айының басында Таиландта өткен Азия чемпионатында Қазақстан бокс құрамасы да сынға түскен болатын. Бұл сында еліміздің ерлер құрамасы 5 алтын медальға қол жеткізді.