Махмұд пен Төрехан Сабырхан әкесінің туған күніне су жаңа автокөлік сыйлады (ВИДЕО)
Автокөліктің мемлекеттік номері де ерекше – 010 BOX 10
Бокстан әлем чемпионы Махмұд Сабырхан мен оның туған інісі Төрехан Сабырхан әкесінің туған күніне ерекше сый жасады. Даңқты боксшылар айтулы күнге орай Toyota Highlander автокөлігін сатып алып, оны салтанатты түрде табыстады.
Қуанышты жаңалығымен Махмұд өзінің Instagram-парақшасында бөліскен. Ол автокөлікті рәсімдеуге көмектескен командаға алғысын айтып, артынша әкесіне көліктің кілтін табыстады.
Айта кетейік, Махмұд Сабырхан әлем және Азия чемпионы, Олимпиада ойындарына екі рет қатысқан.
Ал, оның туған інісі Төрехан Сабырхан болса жастар арасында әлем және Азия чемпионы. Ол тек былтыр желтоқсан айында ғана ересектер қатарына өтіп, бірден Қазақстан чемпионы атанды. Төрехан спорттық мансабында бірде-бір жарыста жеңіліп көрмеген.