Санжар Тәшкенбай оқыс жағдайға тап болды

Софияда (Болгария) өтіп жатқан Странджа кубогінде бүгін оқыс оқиға болды. Санжар Тәшкенбайдың жарыс барысында қолын жарақаттап алуына байланысты, кездесудің алғашқы раундында жекпе-жек тоқтатылып, жеңіс қарсыласқа берілді. Қазіргі уақытта Санжарға дәрігерлер жедел көмек көрсетуде, оның жағдайы мұқият бақыланып отыр.

Осы оқиға нәтижесінде келесі кезеңге ирландиялық боксшы Луис Руни шықты. 

Ал Махмұд Сабырхан финалға жеткенде өзбекстандық екі дүркін Олимпиада чемпионы Хасанбой Дусматовпен кездесуі мүмкін еді. Өзбек боксшысы бұл жарысқа жаңа салмақта келді. Алайда отандасымыз тамақтан уланып қалған.