Ұлтымыз үшін ең үздік айқас болмақ - Жалолов Астанадағы айқасы туралы
Өзбекстандық боксшы қарсыласын нокаутқа түсірмек
Бокстан Олимпиаданың екі дүркін чемпионы, кәсіпқой бокстағы аса ауыр салмақ өкілі (90,7 келіден жоғары) өзбекстандық Баходир Жалолов (14-0, 14 КО) келесі кездесуін 5 сәуір күні Қазақстанда өткізеді.
Жәнібек Әлімханұлы мен Анауэль Нгамиссенгенің бокс кеші аясында Баходир украиналық Игорь Шевадзуцкиймен (12-2, 10 КО) кездеседі. BoxNation-ге берген сұхбатында Баходир айқасқа дайындығы жайлы айтты.
«Қолымнан келгеннің бәрін жасаймын қалай болатынын шаршы алаң көрсетеді. Қарсыласымды жеңіге тырысамын, оны нокаутқа түсіруге тырысамын. Бұл біздің аймақтағы және ұлтымыз үшін ең үздік айқас болмақ», — деді Жалолов.
Айта кетейік, Бохидир әуесқой боксқа оралып, үш дүркін Олимпиада чемпионы атанғысы келетінін айтқан.