Ангелина Лукас еліміздің кәсіпқой боксында рекорд орнатқанын мәлімдеді
Ангелина Лукас BoxRec+ рейтингінде 6-орынға көтерілген
Қазақстандық кәсіпқой боксшы Ангелина Лукас жанкүйерлерге өзінің ерекше жаңалығымен бөлісті. Отандық былғары қолғап шеберінің жазуынша, ол еліміз бойынша кәсіпқой бокстан әйелдер арасында бұрын-соңды болмаған нәтижеге ие болғанын атады.
Бұл туралы желіде жазба жариялап, ерекше әсерге бөленгенін алға тартты.
«Әлемдік рейтингте 6-шы орынға шықтым. Бұл Қазақстан әйелдер кәсіпқой боксындағы алғашқы оқиға», - деп жазды.
Ангелина Лукас BoxRec+ рейтингінде 6-орынға көтерілген. Ангелина Лукас жыл басында "IBA чемпиондар түні" турнирі аясында нигериялық Айисат Орийомимен кездесіп, жеңіске жеткен болатын. Аталған жекпе-жек сегіз раундқа жоспарланғанымен, төртінші раундтан кейін Айисат кездесуді жалғастырудан бас тартты.