Төрехан Сабырхан Астанада ашық жаттығу өткізді (ВИДЕО)

Қазақстандық жас боксшы Төрехан Сабырхан Астанада көпшілік алдында жаттығуын көрсетті. Жақында кәсіпқой бокста алғашқы дебютін өткізгелі отырған спортшы «Ханшатырда» орнатылған шаршы алаңға көтерілді.

Төрехан Сабырхан кәсіпқой бокстағы алғашқы жекпе-жегіне 5 сәуір күні Астана қаласында шығады. Аталған бокс кешінде отандасымыз 29 жастағы Чехия боксшысы Иржи Хаукемен шеберлік байқасады. Хауке осыған дейін 10 жекпе-жек өткізіп, 4 рет жеңіске жеткен.

67 келі салмақ дәрежесінде өнер көрсететін ол бокстан жастар мен жасөспірімдер арасында Азияның бірнеше дүркін чемпионы атанған спортшы. Сондай-ақ, сол жылы Черногорияның Будва қаласында өткен жастар арасындағы әлем чемпионатында Төрехан алтын медаль иеленіп, турнирдің ең үздік боксшысы атағына лайық деп танылған еді.

Желтоқсан айында Қарағандыда өткен ел чемпионатында топ жарып, ересектер құрамасына енген Төрехан Сабырхан ақпан айында Болгарияда өткен Странджа халықаралық турнирінде топ жарды.

Айта кететін жайт, жас боксшы "Қазақ Ломаченкосы" деген лақап атқа ие Махмұд Сабырханның туған інісі.