Сұлтан Зауырбек Астанадағы бокс кешінен кейін IBF рейтингінде жоғарлады

5 сәуір күні Астанада өткен бокс кешінен кейін Сұлтан Зауырбек IBF рейтингінде бесінші орыннан төртінші орынға көтерілді. 

Айта кетейік, екінші жартылай жеңіл салмақта өнер көрсететін Сұлтан Зауырбек (20-0, 13 KO) «Battle of the brave» бокс кешінде Оңтүстік Африка Республикасынан келген Азинга Фузилемен (18-3, 12 KO) жекпе-жек өткізген еді. Он раундқа созылған кездесуде отандасымыз төрешілердің шешімімен жеңіске жетті.

Ал аталмыш рейтингтің көшін мексикалық Эдуардо Нуньес (27-1, 27 KO) бастаса, екінші орын әзірге бос тұр. Үздік үштікке жапониялық Масанори Рикииши (16-1, 11 KO) жайғасқан.