Қазақстанның бірнеше боксшысы WBC рейтингінде төмендеді

Дүниежүзілік бокс кеңесі (WBC) барлық салмақ дәрежелері бойынша боксшылар рейтингін жаңартты.

Жаңартылған тізімде қазақстандық былғары қолғап шеберлерінің көрсеткіштері мынадай:

• Супер ауыр салмақ – Иван Дычко бір саты төмендеп, 35-орынға түсті.

• Екінші орта салмақ – Бек Нұрмағанбет 15-орыннан 17-орынға сырғыды. Али Ахмедов бір орын төмендеп, 30-сатыға жайғасты.

• Орта салмақ – Мейірім Нұрсұлтанов өз дивизионында бірінші орнын сақтап қалды. Бұл салмақтағы WBC чемпионы – доминикандық Карлос Адамес.

• Бірінші орта салмақ – Садриддин Ахмедов бес саты төмендеп, 38-орынға түсті.

• Жартылай орта салмақ – Данияр Елеусінов 30-орыннан 33-орынға сырғыды.

• Бірінші жартылай орта салмақ – Батыр Жүкембаев бір саты көтеріліп, 31-орынға тұрақтады.

• Екінші жеңіл салмақ – Сұлтан Заурбек 18-орыннан 19-орынға түсті.