«Жәнібектің халі мүшкіл болады»: британдық боксшы Әлімханұлын оңай жеңеріне сенімді
Оның ешқандай титулы жоқ
Орта салмақта жұдырықтасатын Ұлыбританияның кәсіпқой боксшысы Натан Хини (18-0, 6 КО) Жәнібек Әлімханұлын (15-0, 10 КО) тағы да жекпе-жекке шақырды.
Айта кету керек, біршама үзілістен кейін британдық боксшы 16 наурызда шаршы алаңға оралады. Ол Бирмингемде өзінің жерлесі Брэд Полспен (18-1, 10 КО) жекпе-жек өкізеді.
Қазір Хини WBO рейтингінің төртінші сатысында тұр. Осымен мақтанған боксшы WBO және IBF тұжырымы бойынша әлем чемпионы Жәнібек Әлімханұлын жекпе-жекке шақырып, оны оңай жеңіп алатынына сенім білдірді.
«Мен Дүниежүзілік бокс ұйымы рейтингінің төртінші сатысында тұрған поттериздік жігітпін. Егер Брэд Полсты жеңсем, онда Qazaq Style-дың жағдайы мүшкіл болады», - деп жазды Хини әлеуметтік желідегі өз парақшасында.
Айта кетейік, бұған дейін Хини мен Әлімханұлы арасындағы жекпе-жек биыл жазда болуы мүмкін деген болжам айтылған болатын.