Бокс федерациясының президенті Болат Жұмаділовке көлік мінгізді
Федерация президенті қай кезде де ардагер спортшыларға қолдау көрсету керектігін айтып отырады
Шәкірттерін Астанадағы жертөледе жаттықтырып жүр деген Олимпиада ойындарының екі дүркін күміс жүлдегері, әлем чемпионы Болат Жұмаділовке темір тұлпардың кілті табысталды.
Жұмаділовке су жаңа Hyundai Elantra көілігін Қазақстан бокс федерациясының президенті Шахмұрат Мүтәліптің атынан оның көмекшісі Абзал Тұңғышбаев табыстады.
«Федерация президенті қай кезде де ардагер спортшыларға қолдау көрсету керектігін айтып отырады, бұл сыйлық та ағамыздың еңбегін бағалау. Біз чемпиондарымызды ұмытпауымыз керек», - деді Тұңғышбаев.
Өз кезегінде Жұмаділов те алғысын жеткізіп, жас спортшыларға сәттілік тіледі.
Бұған дейін даңқты боксшының өзі тұратын үйдің жертөлесін бокс залына айналдырғанын, дегенмен залдың тоз-тозы шыққаны туралы жазғанбыз.