Махмұд Сабырхан қарсыласын нокаутқа түсіріп, 1/4 финалға өтті

Ливерпульде (Англия) өтіп жатқан бокстан 2025 жылғы әлем чемпионатында қазақстандық боксшы Махмұд Сабырхан сенімді жеңіске қол жеткізді.

55 келіге дейінгі салмақ дәрежесінде 1/8 финал аясында ол Косово өкілі Башким Бажокумен кездесіп, алғашқы раундта-ақ нокаутпен ұтты. Осылайша Сабырхан ширек финалға жолдама алды, ал қарсыласы турнирді аяқтады.

Бірінші айналымда Махмұд Мексика спортшысын жеңген еді. Ендігі қарсылас Нидерланд-Жапония кездесуінде анықталады.

Айта кетейік, Ливерпульдегі бұл чемпионат – ересектер арасындағы тарихтағы алғашқы әлем біріншілігі, оны жаңа құрылым – World Boxing ұйымы ұйымдастырып отыр. Жарыс 14 қыркүйекке дейін жалғасады.