Жанат Жақияновтың әлем чемпионы болуына көмектескен атақты боксшы өмірден өтті
Ол біздің жерлесіміздің әлем чемпионы атануын ерекше мақтан тұтқан
Екі салмақ дәрежесінде әлем чемпионы атанған боксшы Рикки Хаттон 46 жасында өмірден өтті.
Бұған дейін ол өзінің алкоголь мен есірткіге тәуелділігі, сондай-ақ депрессиямен күресі туралы ашық айтқан болатын. Хаттон бірнеше рет өзіне қол салуға әрекет жасағанын да жасырмаған. Сонымен қатар ол боксшылар мансабын аяқтағаннан кейін психологиялық көмек алудың маңыздылығына назар аударуға тырысқан. Дегенмен бірнеше ай бұрын ол қайтадан рингке оралу ниетін білдірген еді.
Кәсіпқой мансабында Рикки Хаттон 45 жеңіс (32 нокаут) және 3 жеңіліс көрсеткішіне қол жеткізді. Британдық былғары қолғап шебері бірінші жартылай орта салмақта WBA, IBF және IBO, ал жартылай орта салмақта WBA және IBO тұжырымдары бойынша әлем чемпионы атанды.
Айта кетейік, Хаттон бір кездері қазақстандық боксшы Жанат Жақияновтың бапкері болған. Ол біздің жерлесіміздің әлем чемпионы атануын ерекше мақтан тұтқан, өйткені Жақиянов Хаттон баптаған алғашқы әлем чемпионы еді.