«Қарабах» «Челсимен» тең ойнағаны үшін футболшыларын ірі сыйақымен марапаттады
Тең нәтиже үшін шамамен 65–70 мың манат көлемінде сыйақы берілген
«Қарабах» басшылығы УЕФА Чемпиондар лигасының 4-турында лондондық «Челсимен» өткен (2:2) тең ойыны үшін команда ойыншыларын ерекше сыйақымен марапаттады.
Publika басылымының хабарлауынша, Агдам клубының әкімшілігі бұған дейін уәде еткен уәдесін толық орындаған. Басшылық жеңіс үшін 120 мың манат, ал тең нәтиже үшін шамамен 65–70 мың манат көлемінде сыйақы берілетінін айтқан болатын. Алайда «Қарабахтың» бұл ойындағы жанқиярлық ойыны мен табандылығы клуб жетекшілерін ерекше қуантқан. Тіпті тең есеп «жеңіске пара-пар» деп бағаланды.
Футболшылардың жеңіске деген жігері, алаңдағы табанды күресі және әлемдік аудиторияның зор қызығушылығы басшылық тарапынан жоғары бағаланып, сыйақы қоры ұлғайтылды. Нәтижесінде, әр ойыншыға 80–90 мың манат көлемінде сыйақы тағайындалды.
Айта кетсек, биылғы маусымда Агдам өкілдері Чемпиондар лигасында екі мәрте жеңіске жеткен. «Бенфикаға» қарсы кездесудегі жеңіс үшін әр ойыншы 100 мың манаттан, ал «Копенгагенмен» матчта 70 мың манаттан сыйақы алған еді.