Алматылық «Хан-Тенгри» футбол клубы 21 жастағы жігіттің иелігіне өтеді

Бірінші лигада өнер көрсететін алматылық «Хан-Тенгри» футбол клубы 21 жастағы Валерий Усоянның иелігіне өтеді деп жазды спорт журналисі Эьдар Аманбаев өзінің Telegram-каналында.

Айта кетерлігі, Усоянның өзі кешеге дейін «Хан-Тенгри» сапында жартылай қорғаушы болған. Алайда, денсаулығына байланысты мансабын ерте аяқтады.

Жаңа басшы келісімен клуб алдына үлкен міндеттер қойылады. Солардың бірі – келер маусымда Премьер-лигаға жолдама алу. Қазіргі таңда «Хан-Тенгри» 17 ойыннан небәрі 17 ұпай жинап, турнир кестесінің оныншы сатысында тұр. Соңғы жеті ойынның бәрінде жңілген.