Луис Суарес Мессимен көрші болу үшін 12 млн долларға үй сатып алды
07.03.2024, 16:01
Үйде 8 жатын бөлме бар
Getty Images
Америкалық «Интер Майами» клубының шабуылшысы Луис Суарес құны шамамен 12 млн доллар болатын зәулім үй сатып алды. Нысан Форт-Лодердейл деп жабық ауданда орналасқан деп жазады The Real Deal.
Үйде 8 жатын бөлме және 8 жуынатын бөлмесі бар. Ал, көршісі – даңқты футболшы Лионель Месси. Ол аталған үйін былтыр қыркүйекте 10,8 млн долларға сатып алған болатын.
Суарес «Интер Майами» сапына 2023 жылдың желтоқсанында қосылған еді. Ол АҚШ чемпионатында бүгінге дейін үш ойын өткізіп, екі гол соқты.