«Арсенал» 14 жылдан кейін алғаш рет Чемпиондар лигасының ширек финалына шықты

Футболдан Еуропа Чемпиондар лигасының ширек финалына шыққан тағы екі команда анықталды. «Барселона» өз алаңында «Наполиді» 3:1 есебімен қиындықсыз жеңсе, «Арсенал» мен «Порту» ширек финал жолдамасын пенальти сериясында сарапқа салды.

Айта кетейік, Португалияда өткен ойында «Порту» 1:0 есебімен жеңіске жеткен болатын. Лондонда «Арсенал» да дәл осындай есеппен қарсыласынан басым түсті. Ойынның 41-минутында Леандро Троссард есеп ашқаннан кейін матч соңына дейін қос команда таблодағы нәтижені өзгерте алған жоқ. 30 минуттық овертаймда да жеңімпаз анықталмады. Ал, пенальти сериясында «Арсенал» қақпашысы Райя екі соққыны қайтарып, командасына жеңіс сыйлады (4:2).

Айта кету керек, «Арсеналй соңғы рет Чемпиондар лигасының ширек финалына осыдан 14 жыл бұрын шыққан.