Әзірбайжан футболшылары Қазақстан құрамасын ерекше камбэкпен жеңіп кетті
Бапкерсіз қалған қазақстандық футболшылар екі матч қатарынан жеңіліп қалды
Футболдан Қазақстан құрамасы кезекті жолдастық кездесуін жеңіліспен аяқтады. Венгрияның Сомбатхее қаласында өткен матчта Руслан Балтиев бастап барған біздің ұлттық құрама Әзірбайжаннан 2:3 есебімен ұтылды.
Бірінші таймда Қазақстан екі гол соғып, сенімді түрде алға шыққан. Гол авторлары – Вороговский (2-минут) мен Самородов (28-минут). Десе де, 42-минутта Әзірбайжан ойыншысы Эмрели есепті қысқартты.
Ал, екінші тайм толық әзірбайжандық команданың басымдығымен өтті. 51-минутта Махмудов пенальтиден есепті теңестірсе, 73-минутта Байрамов жеңіс голын соқты.
Мұнан кейін Қазақстан футболшылары есепті теңестіруге ұмтылғанымен, Әзірбайжан қақпасына қауіпті соққылар жасай алмады.
Еске салайық, бұған дейін Балтиев бастаған ойыншылар 7 маусымда Армениядан да 1:2 есебімен жеңіліп қалған еді.