«Роналду – команданың үздігі емес»: Аршавин португалиялық сұрмергенді сынады
ЧЕхиямен болған ойында Роналду матчтың ең үздік ойыншысы атанған
Ресей футболының аңызы Андрей Аршавин Португалия құрамасының шабуылшысы Криштиану Роналдудың ойынын сынады. Португалдықтар Еуропа чемпионатының бірінгі турында Чехиямен кездесіп, 2:1 есебімен жеңіске жеткен болатын.
«Португалия бұл Еуропа чемпионатының фавориті емес деген пікірмен келісем. Өйткені, Роналду үнемі көрпені өзіне тартады. Криштиану қазір Португалияның ең үздік ойыншысы емес», - деді Аршавин «Матч ТВ» телеарнасына берген сұхбатында.
Десе де, 39 жастағы Роналду кеше Чехиямен болған ойында матчтың ең үздік ойыншысы атанды. Ол қақпаға 5 соққы жасап, пас беру көрсеткішін 100 пайызға жеткізген (22-ден 22).
Айта кетейік, Португалия мен Чехия Еуро-2024 турнирінің F тобында өнер көрсетіп жатыр. Олармен бірге бір топта Түркия мен Грузия бар. Алғашқы матчта түріктер грузиндерді 3:1 есебімен жеңді.