«Ордабасы» тағы чемпион. Самородов – миллионер. «Астанадан» үміт үздік
30.08.2024, 10:16
«Ақтөбеде» мүлдем ойын жоқ, бапкерін ауыстыру керек дейді спорт журналисі
коллаж: 1bol.kz
Олимпиада ойындары аяқталып, «Бірінші болға» футбол тақырыбы қайта оралды. Дәл қазір Қазақстан Премьер-лигасының нағыз қызған шағы. Чемпионатта әліге дейін нақты лидер жоқ. Көш басында келе жатқан үш команданың ұпайы шамалас, бірақ “Ордабасының” екі ойыны артық.
Оның үстіне, 6 және 9 қыркүйекте Қазақстан құрамасы Ұлттар лигасы аясында алғашқы екі матчын өткізеді. Құрамаға шақыртылған ойыншылардың деңгейі қандай? Холланд бастаған норвегтерге қарсы төтеп бере аламыз ба? Черечсов Адиевтің ерлігін қайталай ала ма? Сұрақ өте көп және оларға жауапты тұрақты спикерлерлеріміз – Олжас Байбосын, Ермұхамед Мәулен және Елдос Ахметов береді.