Қазақстан футзалшылары Иран құрамасын ұтты
Келесі матчты Қазақстан азулы Аргентинаға қарсы өткізеді
Футзалдан Қазақстан құрамасы 2024 жылғы Өзбекстанда өтетін әлем чемпионатына даярлық аясында Иран командасын ұтты. Матч 4:1 есебімен жерлестеріміздің пайдасына шешілді.
Қазақстан сапынан Джахангир Рашит, Дуглас, Ақжол Дәрібай мен Шыңғыс Есенаманов мергендік танытты.
Естеріңізде болса, бұған дейін отандық футзалшылар Тәжікстан құрамасынан 3:0 және 4:3 есебімен екі рет басым түскен.
Енді 1 қыркүйекте Қазақстан Иранды Астанада қабылдайды. 8 қыркүйекте Аргентинамен (2016 жылғы әлем чемпионы және 2021 жылғы әлем чемпионатының финалисі) Алматыда жолдастық кездесу өткізеді.
Қазақстан құрамасының оқу-жаттығу жиындары 10 қыркүйекке дейін жалғасады. 15 қыркүйекте Өзбекстанда әлем чемпионатындағы алғашқы кездесуін Испаниямен өткізеді. Бұдан бөлек топта Ливия және Жаңа Зеландия бар.