«Астана» чемпион ба? 21-турда «Ақтөбе» мен «Ордабасы» жеңіліп қалды

Чемпиондықтан үмітті «Ақтөбе» мен «Ордабасы» жағдайларын қиындатып алды. Алғашқысы Қостанайдан «Тобылдан» ірі есеппен жеңілді.

Ал «Ордабасы» өз алаңында «Астанаға» есе жіберді. Бірінші тайм 2:2 есебімен аяқталған. Екінші кезеңде жағдай өзгеріп кетті. Елорда клубы тағы екі гол соғып, 4:2 есебімен матчты аяқтады.

Енді «Астана» қалған жеті матчтың барлығын да жеңер болса, чемпион атанады.

Сондай-ақ «Елімай» Қарағандыда «Шахтердің» осал тұсын тауып, бірінші орынға шықты. Бірақ олардың «Астанадан» үш ойыны артық.

Сонымен қатар, бүгін «Тұран» Петропавлдың «Қызылжар» клубын жеңді. Кеше «Атырау» мен «Жеңіс» 2:1, «Қайрат» пен «Қайсар» 1:0 есебімен тарқасқан еді.