Қазақстанда танымалдығы жағынан Головкиннің алдына түсер ешкім жоқ – Шавкат Рахмонов
Оның пікірінше, қазақстандықтар бокстан көрі аралас жекпе-жекке көбірек қызығады
UFC лигасында өнер көрсететін қазақстандық файтер Шавкат Рахмонов Геннадий Головкинге қатысты пікірін білдірді. Америкалық БАҚ-қа сұхбат берген қазақ спортшысы бокс пен MMA-ны да салыстырды.
«GGG әлемдегі ең мықты боксшылардың бірі болып қала береді. Ол Қазақстанда да, әлемде де өте танымал адам. Танымалдығы жағынан оның алдына әлі ешкім түскен жоқ», - деді ол.
Шавкаттың пікірінше, қазір Қазақстанда бокстан қарағанда MMA спорты әлдеқайда танымал және сұранысқа ие.
«Қазір Қазақстанда жұрт бокстан қарағанда MMA мен UFC-ге көбірек қызығады», - деп сөзін түйді ол.
Айта кетейік, биыл 16 желтоқсанда Шавкат Рахмонов АҚШ-тың Лас-Вегас қаласында UFC 296 турнирі аясында Стивен Томпсонмен жекпе-жек өткізеді.