Черчесовтің орнына еуропалық бапкер келсе қазақтарға жақсы болушы еді – аустриялық футболшы
Оның пікірінше, қазақ футболшыларының менталитетін өзгерту қажет
Қазақстан чемпионатында «Тобыл» мен «Ақтөбе» клубтарында доп тепкен аустриялық футболшы Томаш Шимкович Ұлттар лигасының ойынының қарсаңында Станислав Черчесов туралы пікір білдірді.
Естеріңізге сала кетейік, Қазақстан құрамасы 10 қазан күні УЕФА Ұлттар лигасы аясында сырт алаңда Аустриямен кездеседі. Матч Линц қаласының «Райффайзен Арена» стадионында өтеді. Басталуы – Астана уақытымен сағат 23:45-те.
Ұлттық құраманы маусым айынан бері ресейлік бапкер Станислав Черчесов жаттықтырады. Томаш Шимкович матч қарсаңында немістің Kicker журналына сұхбат берген.
- Станислав Черчесов маусым айынан бері құраманы жаттықтыру арқылы қандай жетістікке жетті?
- Әзірге ол туралы айту әлі ерте. Черчесов жақсы бапкер ретінде өзін дәлелдеген. Ресей құрамасын жаттықтырып, жоғары нәтиже көрсетті. Бірақ ол ресейлік. Қазақстан футболына еуропалық маман қажет. Батыс Еуропадан бапкер келіп, қазақтардың менталитетін өзгертсе, бір нәтиже болып қалуы тиіс.