«Ордабасы» ең маңызды матчта ҚПЛ аутсайдерінен жеңіліп қалды

Футболдан ел чемпионы «Ордабасы» клубы бұл атағын биыл сақтап қала алмайтын секілді. Турнир аяқталуға небәрі екі ойын қалғанда шымкенттік команда өз алаңында ҚПЛ аутсайдері «Жеңістен» жеңіліп қалды.

Матч бастала салысымен «Ордабасы» тізгінді өз қолына алған. Алайда, одан еш пайда болған жоқ. Керісінше алаң иелері бірінші таймның өзінде-ақ өз қақпасына екі гол жіберіп алды. «Жеңіс» сапынан алдымен Лукас Будинский көзге түссе, екінші допты Адилио соқты.

Бірінші таймда шымкенттіктердің есепті қысқартатын мүмкіндігі болған. Алайда, Бауыржан Исламхан пенальтиден гол соға алмады. Оның тепкен добын қақпашы Мирослав Лобанцев қайтарды.

Ал, екінші таймда Всеволод Садовский есепті қысқартқанымен, «Ордабасы» ойыншыларының шамасы басқаға жетпеді. Қорытынды есеп – 1:2.

Осылайша, ел чемпионы 39 ұпаймен екінші орынға сырғыды. 41 ұпай жинаған «Қайрат» бірінші орында тұр. Келесі, яғни соңғы турда қос команда өзара мықтыны анықтайды. Дегенмен, үшінші орындағы «Астана» қалған үш матчта жеңіске жетсе сөзсіз чемпион атанады.