«Қош бол, футбол!». Винисиусты қолдаушылар көбейді

2024 жылғы «Алтын доп» әу баста Винисиус Жуниорға берілетіні айтылып жүргенімен, соңғы сәтте испаниялық Родри жұлып әкетті. Бұған қарсылық білдіріп жатқандар көбейді.

Алдымен «Реал Мадрид» клубының өкілдері осы жаңалықты естіп, Париждегі мараппатау рәсіміне бармай қалды. Сонымен қатар әлем футболының жұлдыздары да пікір білдіріп жатыр.

«Родри - әлемдегі ең үздік жартылай қорғаушы. Бірақ дәл қазір әлемдегі ең үздік футболшы Винисиус Жуниор. Қош бол футбол!»– деп жазды «Вулверхэмптон» жартылай қорғаушысы Лемин әлеуметтік желіде.

Родриго, Эдуард Менди, Ферлан Менди, Эмерсон Ройас, Дуглас Луис, Бруно Гимарайнш, Серж Орье, Вини Тобиас ойыншылар Винисиусты қолдап пост жазды.