Келесі жылы бюджеті қысқаратын «Ордабасы» алты футболшысын қуып жіберді

Бүгін Шымкенттің «Ордабасы» клубы бірнеше футболшысымен қош айтысты. Олардың арасында  Қазақстан құрамасының жартылай қорғаушысы Айбол Әбікен де бар.

Сондай-ақ қақпашы Сергей Игнатович, қорғаушылар Игорь Пластун мен Режиналдо, жартылай қорғаушы Ловро Цвек, шабуылшы Артем Беседин бар.

Айбол биыл шымкенттік команда сапында 25 ойын өткізді. Ал Сергей Игнатович – 8 матчқа, Игорь Пластун 23 матчқа (3 гол), Режиналдо 13 матчқа (1 гол), Ловро Цвек 16 матчқа, Артем Беседин 16 матчқа (4 гол) қатысқан.

«Ордабасы» маусым қорытындысы бойынша төртінші орынға тұрақтады.