Нұралы Әліп РПЛ-дың жұлдызды құрамының сапына енді

Ресейлік «Футбол на Куличках» порталы Ресей премьер-лигасы 16-турының жұлдызды құрамын жасақтады. Оның құрамына қазақстандық Нұралы Әліп те еніп отыр.

Есте болса, «Зенит» қорғаушысы соңғы турда командасының жеңіске жетуіне үлкен үлесін қосқан болатын. 90+6 минутта ол нәтижелі пас беріп, шабуылшы Ерохин гол соққан. Нәтижесінде питерліктер 1:0 есебімен жеңіске жетті.

«Орталық қорғаушы: Нұралы Әліп («Зенит»). Қазақ қорғаушысы Орынбордағы ойынның басты қаһармандарының бірі атанды. Әліп қорғаныста өте сауатты ойнап, шабуыл шебіндегі әріптестеріне де көмектесті. Оның дәл берген пасынан кейін Ерохин баспен гол соғып, «Зенит» турнир кестесінің көшін бастады», - деп жазды аталған басылым.

Еске салайық, «Оренбург» – «Зенит» арасындағы матч 23 қарашада «Газовик» стадионында өткен болатын.