Криштиану Роналду дубль жасап, өз рекордын тағы жаңартты

Футболдан Сауд Арабиясы чемпионатының кезекті туры өтті. Даңқты Криштиану Роналду өнер көрсететін «Әл-Наср» клубы «Дамакпен» кездесіп, 2:0 есебімен жеңіске жетті. Қос голды да португалдық шабуылшының өзі соқты.

Матчтың 17-минутында төреші «Дамактың» қақпасына пенальти белгілеген. Стандартты орындаған Роналду еш қиындықсыз есепті ашты. Ал, 79-минутта екінші голды қақпаға дарытып, ойын нүктесін қойды.

Осы жеңістен кейін «Әл-Наср» 25 ұпай жинап, турнир кестесінде үшінші орнын сақтап қалды. Ал, Роналду болса өз мансабындағы голдарының санын 915-ке жеткізіп, рекордты жаңартты.