Нұралы Әліп Ресей премьер-лигасындағы дебюттік голын соқты

Футболдан Қазақстан ұлттық құрамасының қорғаушысы Нұралы Әліп Ресей премьер-лигасындағы дебюттік голын соқты.

Бүгін Санкт-Петербургтағы «Газпром Арена» стадионында «Зенит» Самараның «Крылья Советов» клубын қабылдаған. Бұл Ресей премьер-лигасының 17-туры болатын. Алаң иелері 2:3 есебімен жеңіліп қалды.

«Зениттің» бір голын бұрыштамадан қазақстандық Нұралы Әліп соқты. Бұл оның Ресей премьер-лигасындағы дебюттік голы. Бұған дейін Әліп тек кубокта мергендік танытқан. «Зенит» (Санкт-Петербург, Ресей) – «Крылья Советов» (Самара, Ресей) – 2:3

Голдар: Глушенков, 4 (1:0). Сергеев, 17 (1:1). Олейников, 18 (1:2). Сергеев, 28 (1:3). Әліп, 72 (2:3).