Роналду 1 млн доллар ұтылып қалды
Футболшы жанкүйерімен жарыста жеңілген
«Әл-Наср» клубы мен Португалия құрамасының шабуылшысы Криштиану Роналду MrBeast есімді блогердің YouTube-арнасында кездейсоқ жанкүйермен челленджге түсті.
Челленджде футболшы мен жанкүйер қақпадағы нысаналарды көздеуі керек болған. Роналду жеңгенде, ол табысын қайырымдылық қорына аударуы керек еді. Дегенмен Криштиану Роналду бір де бір нысанаға дөп тигізе алмай, жанкүйер жеңіске жетіп, 1 миллион доллар ұтып алды.
Ал пікір білдірушілер футбол тарихындағы үздік сұрмерген жанкүйерге ақшаны «сыйлай салды» деп санайды.
Португалиялық жұлдыздан бөлек видеодан гольфші Брайсон Дешамбо, америкалық футболшы Том Брэди, бейсболшы Брайс Харпер мен жүгіруден Олимпиада ойындарының үш дүркін чемпионы Ноа Лайлсты көруге болады.