Роналду Сауд Арабиясы чемпионатын Франциядан артық деп санайды
Роналду Сауд Арабиясы лигасын лайықты бағалауға шақырды
Әлемнің үздік футболшыларының бірі португалиялық Криштиану Роналду Сауд Арабиясы чемпионатының деңгейі Франция біріншілігінен артық екеніне сенімді.
«Әл-Наср» капитаны өзі өнер көрсететін біріншілікте бәсекелестік өте жоғары деп санайды.
Globe Soccer Awards сыйлығын табыстау рәсімінде 39 жастағы шабуылшы Лига 1-де ПСЖ-ны ғана бөле-жарып айтуға болады деп мәлімдеді. Ал қалған клубтар париждік ұжымның деңгейіне жақындай да алмайды деп отыр.
Роналду Сауд Арабиясы лигасын лайықты бағалауға шақырды. Себебі жергілікті ойыншылар +40 градус ыстықта доп теуіп жүреді.
Айта кетейік, бұл марапаттау рәсімінде Роналду тарихтағы үздік сұрмерген ретінде сыйлық алды, оның еншісінде ресми матчтарда соғылған 916 гол бар.