Жас талантты қазақ футболшысы Дастан Сәтпаев «Челсиге» ауысады

Алматының «Қайрат» клубы мен Қазақстан жасөспірімдер құрамасының шабуылшысы Дастан Сәтпаев карьерасын «Челсиде» жалғастырады. 

Meta-ratings.kz мәліметінше, Лондонның «Челси» клубы Дастан Сәтпаевқа қатысты нақты шешім қабылдаған. Алматы мен Лондон клубтарының арасында трансфер жүзеге аспақ.

Ойыншы келесі аптада ауысады деген болжам бар. Дегенмен Сәтпаев әлі 18 жасқа толмағандықтан, трансфердің мән-жайы белгісіз. Футболшы 2008 жылы дүниеге келген.

Естеріңізде болса, Қазақстан U-19 құрамасының шабуылшысы Дастан Сәтпаев желтоқсан айында Лондонның «Челси» клубына қаралымнан өткен.