Көкшетаулық клуб әкімді тыңдамай легионер әкелейін деп жатыр
21.02.2025, 16:48
Ақмола облысының әкімі Марат Ахметов құраманы легионерден тазартуды тапсырған
instagram.com/fcokzhetpes
Көкшетаудың «Оқжетпес» клубы шетелдік легионерлер алмақшы. Бұл туралы Meta-ratings.kz жазды.
Бұған дейін Ақмола облысының әкімі Марат Ахметов премьер-лигаға оралған клубтың алдында тек қазақстандық ойыншылармен өнер көрсету деген мақсат қойған. Бірақ ол тұста клубты Ерлан Жамантаев басқарған еді. Жақында клуб директоры ауысты.
Қазақстан ұлттық құрамасының экс-шабуылшысы, жаңа директор Мұрат Тілешев «Оқжетпесті» күшейту үшін 2-3 легионер алмақ.
Оның біреуі орталық қорғаушы, екіншісі шабуылшысы шабуыл шебінде ойнайтын футболшы болмақ.